Германия канцлери Ангела Меркелнинг таъкидлашича, Европа иттифоқидаги миграция билан боғлиқ долзарб вазият 2015 йилдаги инқироздан фарқ қилади.
«Қаршимизда миграция билан боғлиқ бўлган катта таҳдид турибди. Вазият 2015 йилдаги вазиятдан фарқ қилади, лекин миграция масаласи аввалгидек, ҳазир ҳам ҳал қилинмай келмоқда.
Бу биз ҳал қилишимиз зарур бўлган вазифа», – деди Меркель Бельгия бош вазири Ксавье Беттель билан биргаликда ўтказган матбуот анжуманида.
Сўнгги пайтларда Литва, Латвия ва Польшанинг Беларусь билан туташ чегараларида ноқонуний мигрантларнинг қўлга олиниш ҳолатлари кўпайгани ҳақида маълум қилинди. Ушбу миграция инқирозининг келиб чиқишида улар Минск айбламоқда.
Аввалроқ Беларусь президенти Александр Лукашенко Евроиттифоқ мамлакатларига ноқонуний мигрантлар оқимини ушлаб турмасликни маълум қилган эди. Беларусь раҳбари ўшанда Ғарбнинг санкцияси туфайли мамлакатда пул ҳам, куч ҳам йўқлигини сабаб қилиб кўрсатган эди.
Uzbek