Шанба куни Эммануаел Макрон АҚШ ва Франсиянинг муштарак мақсадлари Эроннинг ядровий қуролга эга бўлишига йўл қўймаслик эканлигини айтди, деб хабар беради Al-Arabiya.
Макрон шанба куни АҚШлик ҳамкасби Доналд Трампни тушлик қилиш учун қабул қилганидан кейин шундай фикр билдирди.
Доналд Трамп Франсиядаги саммитдан кўп нарса кутаётганини айтди. Шунингдек, у Макрон билан ўзига хос муносабатлари борлигини қўшимча қилди.
“Ҳақиқатда Эммануел ва менинг ўхшаш жиҳатларимиз кўп. Биз анчадан бери дўстмиз. Бизда баъзан кичик келишмовчликлар бўлиб туради, лекин ҳар доим ҳам эмас. Бизнинг ўзаро муносабатларимиз жуда яхши. Бу алоқаларни ўзига хос деб айта оламан” деди АҚШ президенти.
Эслатиб ўтамиз, ҳозирда Франсиянинг Биарритз курортида “Кучли Ёттилик” давлатлари ҳисобланган АҚШ Франсия, Германия, Япония, Канада, Буюк Британия ва Италия раҳбарларининг навбатдаги йиғилиши бўлиб ўтмоқда.
Uzbek