Ливаннинг Яқин Шарқ авиакомпаниялари 1-июлдан рейслар қайта тикланганда саёҳат хавфсизлиги қоидаларини амалга оширишмоқда. Бу ҳақида маҳаллий нашрлар хабар бермоқда.
Унга кўра, йўловчилар парвоздан тўрт кун олдин маҳаллий лицензияланган идораларда коронавирус учун Полимераза занжири реакцияси (ПЗР) тестидан ўтишлари ва натижаларни рўйхатдан ўтиш вақтида тақдим этишлари керак.
Яна бир тест улар Рафик Ҳарири халқаро аеропортига етиб келганида авиакомпания ҳисобидан амалга оширилади.
Йўловчилар, шунингдек, ўзлари ҳисобидан ва Ливан Соғлиқни сақлаш вазирлиги томонидан тасдиқланган ҳар қандай лабораторияда, улар етиб келганидан 72 соат ўтгач, учинчи ПЗР синовидан ўтишлари керак.
Таъкидлаб ўтиш жоиз, бутун дунёда халқаро авиақатновлар қайта тиклана бошлаганлиги муносабати билан, коронавируснинг янги тўлқинига йўл қўймаслик мақсадида турли чора-тадбирлар амалга оширилмоқда. Бу авиакомпанияларни инқироздан сақлаб қолишнинг гарови ҳисобланади.
Uzbek