Кореялик аёл диний маросим вақтида ҳалок бўлди

0
1496

47 ёшли Жанубий Кореялик аёлнинг “бахтсизликни йўқотиш” учун амалга оширган ирим-сиримлари ўз ҳаётига зомин бўлди. 

Жанубий Корея ОАВнинг маълум қилишича, аёлнинг яқинлари унга бахтсизликдан қутилиш учун кечани тобут ичида ўтказишни тавсия қилишган.

2 август куни кечаси аёл тобут ичига кирган, лекин орадан 2 соат ўтгач, у нафас олишга қийналаётганидан шикоят қилган. Лекин, унинг яқинлари унга тобутга қайтадан киришни ва у ерда қанча муддат тура олса, шунчагача ётиб туришни маслаҳат бериб, ўзлари тобут ёнида уйқуга кетишган.

Тонгда тобутни очиб кўрган “маслаҳатгўйлар” аёлнинг совиб улгурган мурдасини кўришган. Илк тахминларга кўра, аёл тобутда ёки кислород етишмовчилигидан ёки иссиқликдан ҳалок бўлган. Лекин, тобут ташқи тарафдан қулфланмаган бўлган. 

Ҳозирда, ҳуқуқни ҳимоя қилиш идоралари аёлнинг яқинларини жиноий жавобгарликка тортиш масаласи устида бош қотиришмоқда.  

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг