Ўтган тунда Россия Федерациясининг Киевдаги элчихонаси олдида Россия ҳарбийлари томонидан Керч бўғозига кириш қисмида Украина кемаларини ушланишига қарши норозилик акцияси ўтказилди, дея хабар беради Euronews.
Хабар қилинишича, кемаларни ушлаш вақтида бир неча нафар украиналик денгизчи жароҳатланган.
Намойишчилар элчихона биносига қарата тутун ҳосил қилувчи шашкалар улоқтиришди. Кириш эшиги олдига эса автомил ғилдираги резина қопламалари териб қўйилди.
ТАСС агентлиги хабарига кўра, душанбага ўтар кечаси Россиянинг Львовдаги консуллиги биноси қаршисида ҳам намойиш ташкил этилган. Унда ҳам Россиянинг Азов денгизидаги ҳаракатларига нисбатан норозилик билдирилган.
Uzbek