Жаҳон соғлиқни сақлаш ташкилоти 20 та етакчи мамлакатга мурожаат қилди. Ташкилот ушбу давлатлардан октябрга қадар пандемия тўлқинини тўхтатиш учун коронавирусга қарши вакциналарни тўғри тақсимлашни сўрамоқда.
Act Accelerator – COVID-19га қарши курашда воситаларга эришишни жадаллаштириш ташаббуси етакчиси Брюс Эйлвард вакцина тақсимотидаги тенгсизликни «шармандали» деб атади ва сиёсий раҳбарлар ҳамда ишбилармонларни қашшоқ мамлакатларни препарат билан таъминлашга чақирди.
Хусусан, у энг нуфузли 20 та давлат раҳбарини сентябрь охиригача тенгсизликни бартараф этишга ва дунё аҳолисининг 10 фоизини тўлиқ эмлашга ёрдам беришга чақирган.
AFP ҳисоб-китобига кўра, ҳозиргача бутун дунё бўйлаб тахминан 4,5 миллиард дозалик вакцина ишлатилган.