Пайшанба куни Исроил Бош прокурори мамлакат бош вазири Беньямин Нетаньяхуга бир қатор коррупция айбловларини қўйди.
Уч йиллик терговдан сўнг Бош прокурор Авичаи Манделблит Нетаньяхуни фирибгарликда, ишончни суистеъмол қилишда ва учта ҳолатда пора олганликда айблади.
Бу амалдаги Исроил бош вазирининг биринчи марта жиноят учун айбланишидир.
Нетаньяхуга қўйилган энг жиддий айблов «Cаsе 4000» деб номланган бўлиб, унда Нетаньяху ўз дўсти, телеком магнати Чаул Эловичнинг “Bezeq” компаниясига 250 миллион доллардан ортиқ фойда келтирган қонунларни қабул қилганликда айбланмоқда. Бунинг эвазига “Bezeq”нинг «Wаllа» янгиликлар сайти Нетаньяху ва унинг оиласи ҳақида ижобий мақолаларни чоп этган.
Шунингдек, айблов хулосасига кўра, Нетаньяху миллиардерлар Арнон Милчан ва Жеймс Пакердан 200 минг долларлик шампанни «совға» сифатида олган.
Uzbek