Исроиллик фазогир: “АҚШ Марсда ўзга сайёраликлар билан ишламоқда”

0
1560
Фото: Al Arabiya English

Исроил хавфсизлик космик дастурининг собиқ раҳбари Ҳайм Эшеднинг айтишича, АҚШ ўзга сайёраликлар билан ҳамкорлик қилмоқда, президент Дональд Трамп эса Марсдаги «Галактик федерация»дан келган ўзга сайёраликлар билан яширинча иш олиб бормоқда. Эшед бу ҳақда 6 декабрь куни берган интервьюсида гапириб берган.

1981 йилдан 2010 йилгача Исроилнинг космик дастури раҳбари бўлиб ишлаган профессор Хайм Эшеднинг сўзларига кўра, Америка ҳукумати нафақат ўзга сайёраликлар билан алоқа қилмоқда, балки улар президент Трампга “катта қўрқув” юзага келмаслиги учун ўзларининг мавжудликларини ошкор қилмасликни маслаҳат беришган.

“Номаълум учар жисмлар инсоният ҳали бунга тайёр эмаслигини айтиб, ўзларининг бу ерда эканликлари ҳақида ошкор қилмасликни сўрашди. Трамп улар ҳақида оммага хабар бериш арафасида эди, аммо Галактика федерациясидаги ўзга сайёраликлар шундай дейишди: Кутинг, аввал одамлар тинчлансин. Улар оммавий қўрқув бошлашни хоҳламайдилар» дейди Эшед Jewish Pressга берган интервьюсида.

Эшедннинг даъвосига кўра, америкалик астронавтлар Марс сайёрасидаги «ер ости базасида» ўзга сайёраликлар билан ҳамкорлик қилишмоқда.

“Улар инсоният ривожланишини, космос ва космик кемалар нима эканлигини тушунадиган босқичга етиб боришини кутишган», деди у.

Профессор Эшед баъзи одамлар унинг ўзга сайёраликлар ҳақидаги даъволарига шубҳа билан қарашлари мумкинлигини тан олди. Аммо, инсониятга таниш бўлмаган мавжудотни қабул қилишга бўлган муносабат ўсиб бораётганини таъкидлади.

«Мен ўз академиямдаги қай бир одамга бу фикрларимни айтсам, улар “Бу одам ақлини йўқотган” деб айтишганди. Бугун улар аллақачон бошқача гапиришмоқда. Менинг йўқотадиган нарсам йўқ. Мен ўзимга керакли даража ва мукофотларни қўлга киритиб бўлганман. Мени чет эл университетларида ҳурмат қилишади» дея қўшимча қилди профессор.

Эшед уч марта, шу жумладан икки маротаба «махфий технологик ихтиролари» учун Исроил хавфсизлик мукофотини қўлга киритган. Ҳали бирон бир йирик ҳукумат ёки космик ташкилот Эшеднинг ўзга сайёраликлар ҳақидаги даъволарини қўллаб-қувватлагани йўқ.

Манба

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг