Хитойнинг Twitter сегментидаги фойдаланувчилар ҳуқуқни муҳофаза қилиш органлари томонидан босими ўтказилиши юзасидан шикоят қилишди. Полиция ходимлари блоггерларни мамлакат расмийларини танқид қилган аккаунтларни ўчиришни талаб қилмоқда. Бу хақда The New York Times ёзмоқда.
Таҳририят тасарруфида, Twitter фойдаланувчиларидан бирининг тўрт соатлик сўроқ қилинганлиги хақидаги ёзув бўлиб, унга ҳокимиятни танқид қилинган твитларни кўрсатишаётганлиги ёзиб олинган. Бу каби босим усуллари ҳақида Хитойнинг ўндан ортиқ микроблогерлари шикоят қилдилар.
Блогерларнинг сўзларига кўра, улар маҳаллий ҳокимиятни танқид қилувчи твитларини ўчириб ташлашни ёки умуман танқидий аккаунтларини ёпиб ташлашни талаб қилишган.
Бундан ташқари, ҳуқуқни муҳофаза қилиш идоралари вакиллари жисмоний куч ишлатишган ва таҳдид қилишган. Нашр манбаларидан бирининг айтишича, уни саккиз соат давомида стулга қўл ва оёқ билан занжирбанд қилинган ва ўрнидан туришга рухсат берилмаган. Хитойлик яна бир фуқарони 15 кун давомида қамоқхонада ушлаб турилган, кейин у твитларини олиб ташлашга рози бўлган.
Twitter вакиллари бу маълумотларга изоҳ беришдан бош тортдилар.
Расмий равишда, Twitter Интернетдаги кўплаб глобал сайтлар каби Хитойда блокланган. Шунга қарамай, мамлакатнинг тахминан 3,2 миллион аҳолиси прокси серверлардан фойдаланади.
Uzbek