Европанинг вазифалари рўйхати: Эрон билан шартнома тузиш, урушни олдини олиш, Трампнинг ғазабига учрамаслик.

0
1716

Президент Трамп ва Эрон раҳбарлари бир-бирларини ҳақорат қилаётган пайтда, Эрон ядро шартномасини бузмаслик ва зиддиятни янада кучайтиришга йўл қўймаслик мақсадида, Европа бу масалаларни дипломатик йўл билан ҳал қилишга чақирмоқда. Бироқ, Европа етакчилари Трампни ғазабини қўзғатмасдан қила оладиган ҳаракатлари чекланганлиги уларга ноқулайлик туғдирмоқда, деб хабар беради Тhe  Wаshington Post.

«Бу европаликлар учун жуда тор йўл», деди Европа Иттифоқининг ташқи ишлар вазири Федерика Могерини маслаҳатчиси Наталие Точчи. «Мисол учун, сиз жуда кичик бир иш қилясиз ва шу иш катта кескинлик даврида сизнинг энг катта иттифоқдошингизнинг ғазабига сабаб бўлади».

Европалик етакчилар Трамп Эронга қарши ҳужумларни бекор қилишидан хурсанд бўлишди. Аммо улар Қўшма Штатлар президенти ва Эрон раҳбарлари ҳали ҳам урушга бориши мумкинлигидан ташвишда.

Сўнгги кунларда Европалик етакчи дипломатлар Эронга ташриф буюриб, ядро бўйича шартномага содиқлигини намойиш этдилар. Бироқ Эроннинг БМТдаги элчиси Мажид Тахт Раванчи чоршанба куни Хавфсизлик кенгаши йиғилишида Европа ядровий битим бузилмаслиги учун кўпроқ иш қилмаса, Эрон камбойитилган уранни чеклашини таъкидлади.

Европа ва Қўшма Штатлар «ҳар қандай оқибатларга тўла жавобгарликни ўз зиммаларига олишлари керак», деди элчи.

Трамп АҚШнинг 2018 йил май ойида имзоланган битимдан чиқиб кетишини эълон қилгандан сўнг ҳам Эрон ишлаб чиқариш ва сақлашга рухсат берилган ядровий материалларнинг миқдорини кескин чеклаб қўядиган битимга амал қилиб келмоқда.

Европа Эрон билан янги савдо шартномаси тузиш ниятида.

«Ҳозир у ишлашга тайёр ва мен бу шартномага мувофиқ Эронга ёрдам беришига умид қиламан», – деди Могерини сешанба куни журналистларга. Унинг айтишича, Европа «эҳтимол сиз тасаввур қилмаган энг оғир шароитларда» битимни қутқариш учун ҳаракат қилмоқда.

Лекин Эроннинг тобора ҳафсаласи пир бўлиб бормоқда. Айниқса, Қўшма Штатлар май ойида Эрон нефтининг экспортига санкцияларни кучайтиргандан сўнг. Даромаднинг етишмаслиги Эрон иқтисодини бузиб, узоқ вақтдан буён ушбу келишувга қарши бўлган сиёсатчиларнинг имкониятларини кенгайтирмоқда.

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг