Европа Иттифоқи Кенгаши раҳбари Путиннинг либерализм ҳақидаги сўзларига изоҳ берди.
Европа Иттифоқи кенгашининг раиси Дональд Туск Россия Президенти Владимир Путиннинг «либерал ғоянинг эскирганлиги «ҳақидаги баёнотига қатъиян ыщшилмаслигини таъкидлаб ўтди.
28 июнь жума куни G20 саммитининг очилиши арафасида Японияга келган Туск, dw.com. ёзишича, «Менинг фикримча, авторитаризм, шахсга сиғиниш ва олигархлар ҳокимияти хақиқатда эскирганлиги шубҳасиздир”,дея баёнот берган.
Тускнинг сўзларига кўра, «либерал демократияни эскирган деб ҳисоблайдиганлар, эркинликларнинг эскирганлигини, қонун устуворлиги эскирганлигини ва инсон ҳуқуқлари эскирганлигини даъво қилмоқда». Бироқ, Европа Иттифоқи либерал демократия ғоясини қатъий қўллаб-қувватламоқда ва уни ҳимоя қилиш ва рағбатлантиришга тайёр.
Путин Меркелнинг қочқинларни қабул қилиш ҳақидаги қарорини танқид қилди.
Аввалроқ, 27 июн куни The Financial Times газетасига берган интервюсида Владимир Путин либерализм даври ўз ниҳоясига яқинлашаётганини ва либерал ғоянинг эскирганлигини ва дунёдаги аксарият инсонлар истаклари бир-бирига зид эканини айтган эди. Путин, шунингдек, Германия канцлери Ангела Меркел томонидан 2015 йилда Суриялик қочқинларни қабул қилиш қарорини хато бўлганлигини айтган.
G -20 саммити (G 20) 28-29 июнь кунлари Япониянинг Осака шаҳрида бўлиб ўтади. Унга кўра, Ангела Меркел ва Дональд Трампнинг учрашувлари режалаштирилган. 22 июнь куни Дортмунддаги Евангелистлар черковининг анжуманида сўзга чиққан Германия канцлери, G20 саммитида АҚШ ва Эрон ўртасидаги можарони тинч йўл билан ҳал қилиш учун ҳаракат қилиш ниятида эканлигини билдирди.
Шунингдек, Осака шаҳрида Путин ва Трамп учрашуви режалаштирилган. Аввалроқ, Оқ Уй, Япониянинг G20 саммити доирасида давлат раҳбарлари Эрон, Украина, Яқин Шарқ, Сурия ва қуролланиш устидан назорати масалаларини муҳокама қилиши мумкинлигини айтди.
Uzbek