Буюк Британия ўз ҳудудида AstraZeneca компанияси томонидан ишлаб чиқилган вакцинани рўйхатдан ўтказди. Бу билан Британия AstraZeneca вакцинасидан ўз ҳудудида фойдаланишга рухсат берган дунёдаги биринчи мамлакатга айланди. Компания расмийлари ушбу вакцинани “дунё учун вакцина” деб аташганди.
“Бугун Буюк Британиядаги одамлар учун муҳим кун. Чунки улар янги вакцинадан фойдаланиш имкониятига эга бўлишди» дейди AstraZeneca бош ижрочи директори Паскал Сориот.
Шунингдек, Сориотнинг таъкидлашича, ушбу вакцина самарали, уни сақлаш осон ва у билан одамларни эмлаш содда шаклда амалга оширилади. AstraZeneca ҳеч қандай фойда олмасдан ўз вакцинасини мижозга етказиб беради.
«Биз AstraZenecaдаги кўплаб ҳамкасбларимизга, Оксфорд Университетига, Буюк Британия ҳукумати ва клиник синовларда иштирок этган ўн минглаб одамларга ўз миннатдорчилигимизни билдирамиз» дея қўшимча қилди Сориот.
Uzbek