Бирлашган Миллатлар Ташкилотининг Болалар агентлиги UNICEF’нинг маълумотларига кўра, дунёдаги 5 ёшгача бўлган болаларнинг учдан бир қисми, яъни, 200 миллионга яқин болалар етарлича овқатланмайди ёки керагидан ортиқча ейди. Бу эса, уларнинг яхши ўсиши ва ривожланишига салбий таъсир қилади.
Шунингдек UNICEF, 6 ойликдан 2 ёшгача бўлган болаларнинг деярли учдан икки қисми таналари ва миялари тез ривожланиши учун зарур бўлган озиқ-овқат билан таъминланмаётганлигини айтади.
UNICEF’нинг эълон қилинган йиллик ҳисоботида ёмон овқатланиш амалиёти бола ҳаётининг дастлабки кунларидан бошланади, деб таъкидланади. Улғайган сари болаларнинг зарарли бўлган озиқ-овқат маҳсулотларини истеъмол қилишлари янада каттароқ хавф туғдиради.
«Сўнгги бир неча ўн йилликдаги барча технологик ютуқларга қарамай, биз ушбу ҳақиқатни эсдан чиқарганмиз: болаларнинг ёмон овқатланаётгани уларнинг ёмон яшаётганини билдиради», дейди UNICEF Ижрочи директори Анриетта Форе.
Uzbek