Чоршанба куни бўлиб ўтган виртуал пул йиғиш пайтида, Трамп томонидан тўхтатиб қўйилган Марказий Америка ва фаластинликлар учун ёрдам дастурларини қайта тиклайдими деган саволга, Демократлар партиясидан президентликка даъвогар номзод қаътийлик билан жавоб берди.
Жо Байденнинг таъкидлашича, у АҚШ президенти Дональд Трамп томонидан тўхтатилган фаластинликларга кўрсатиб келинган АҚШ ёрдамини қайта тиклайди, чунки ёрдамни тиклашга чақириқларни янграши Вашингтонда коронавирус тарқалиш пайтида янада кучайиб бормоқда экан.
Байден шунингдек, Трамп маъмурияти Давлат департаменти бюджетини қисқартиргандан сўнг, уни қайта кўриб чиқишини айтди, бу эса танқидчилар сўзларига кўра, Америка дипломатиясини бузаётган экан.
Байден «фаластинликларга кўп йиллик иқтисодий ва хавфсизлик ёрдамини янгилашга» ваъда бериб, агар улар тўғри тақсимланадиган бўлинса, “Исроилга ҳам фойда келтиришини” таъкидлаб ўтди.
Президентнинг АҚШ элчихонасини Қуддусга кўчириш тўғрисидаги қарорини бекор қилмасликка қасам ичган Байден, шу ҳафтада Яҳудий телеграф агентлигига, агар сайланадиган бўлса, Трамп томонидан ёпилган Вашингтондаги Фаластин дипломатик ваколатхонасини қайта очишга ҳаракат қилишини айтди.
«Исроил-Фаластин тинчлигини ўрнатишнинг устувор йўналишидаги вазифаларимиз, фаластинликлар билан музокараларимизни қайта тиклаш ва икки давлатнинг муаммоларини ҳал қилишга имкон бермайдиган ҳаракатлар қилишига йўл қўймаслик учун Исроилга босим ўтказиш керак бўлади», деди Байден агентликка.
«Мен Шарқий Қуддусдаги АҚШ консуллигини яна қайта очаман, Вашингтондаги Фаластинни Озод Этиш ташкилотининг дипломатик ваколатхонасини қайта очиш йўлини топаман ва Трамп маъмурияти тўхтатган фаластинликларга иқтисодий кўмак ва ёрдам бериш бўйича кўп йиллик ҳаракатларни қайта тиклайман», деди Байден.
Uzbek