БААда коронавирус билан касалланган икки бемор соғайиб кетди, дея хабар беради Соғлиқни сақлаш ва профилактика вазирлиги жума куни.
Вирусдан фориғ бўлгани эълон қилинган икки бемор- 41 ёшли эркак ва унинг саккиз ёшли ўғли Хитой фуқароларидир. Ўтган ҳафта мамлакатдаги Хитойлик 73 ёшли Лиу Южиа ҳам касалликдан тўлиқ соғайиб кетганлигини эълон қилинганди.
БААда умумий ҳисобда 8 нафар одамда коронавирус аниқланганди. Энди улар 5 та қолди.
БААдаги Хитойнинг Бош консули Ли Суханг ва БАА Соғлиқни сақлаш вазирлигининг халқаро соғлиқни сақлаш бошқармаси бошлиғи доктор Фотима Ал-Аттар ота ва ўғилни вирусдан бутунлай соғайиб кетганлари билан табриклашди.
«Биз БАА халқи номидан дўстимиз Хитой халқига меҳр-муҳаббатимизни изҳор этамиз ва ушбу касалликка қарши курашишда улар билан биргалигимизни таъкидлаймиз», деди Ал-Аттар.
Ўз навбатида, Хитой фуқаролари БАА раҳбариятига кўрсатилаётган ёрдам учун ўз миннатдорчилигини билдиришди.
Uzbek