АҚШ соғлиқни сақлаш вазирлиги сигарета қутилари устига кашандалик сабаб касалланган беморларнинг суратини қўйиш орқали инсонларни бу зарарли одатдан қайтаришни таклиф қилди. Бу хақда THE ASSOCIATED PRESS хабар бермоқда.
Озиқ-овқат ва фармацевтика идораси пайшанба куни барча сигарет қутиларда пайдо бўладиган 13 та янги огоҳлантиришни, шу жумладан бўйин саратон ўсмалари, касалланган ўпка ва оёқ бармоқларини кесиб ташланган расмларни таклиф қилди.
Рангли расмлар, чекувчиларни сигареталар юрак хасталигига, жинсий заифликка ва диабетга олиб келиши мумкинлиги ҳақида огоҳлантиради. Ёрлиқлар сигарет қутиларининг ярмини эгаллайди ва «Чекиш бош ва бўйин саратонини келтириб чиқаради» каби матнли огоҳлантиришларни ўз ичига олади. Ёрлиқлар тамаки рекламаларида ҳам пайдо бўлади.
АҚЩдаги сигарет қутиларининг ён тарафидаги ҳозирги кичик огоҳлантиришлар 1984 йилдан бери янгиланмаган. Улар чекиш ўпка саратони, юрак хасталиклари ва бошқа касалликларга олиб келиши мумкинлиги ҳақида огоҳлантиради. Ушбу огоҳлантиришлар «аҳамиятсиз» ва «кўринмас», дейди ФДА ўз эълонида.
«Одамлар, умуман олганда, сигарет чекиш хавфли эканлигини тушунса ҳам, чекиш билан боғлиқ барча касалликлар ва шароитларни тушунишда сезиларли бўшлиқлар мавжуд», деди ФДА директори Зеллер.
2000 йилда Канада расмли огоҳлантишларни сигарет қутиларига қўйиш бўйича биринчи бўлди. Ҳозирги кунга келиб дунёнинг 120 га яқин мамлакати каттароқ, график огоҳлантириш ёрлиқларини қабул қилди.
Ушбу мамлакатлардаги тадқиқотлар шуни кўрсатадики, расмга асосланган теглар чекиш хавфини оммага етказишда ва чекишни ташлашни рағбатлантиришда матнли огоҳлантиришлардан кўра самаралидир.
Чекиш даражаси ўнлаб йиллар давомида пасайиб кетган бўлса ҳам, АҚЩда ҳар йили чекиш 480000 дан ортиқ инсоннинг ўлимига сабаб бўлади. Ҳукумат маълумотларига кўра, АҚЩдаги катталарнинг тахминан 14 фоизи чекади. Бу 60 йилларнинг ўрталарида чекадиган 40 фоиз кўрсаткичдан анча паст.
Uzbek