Англияда ўпка силига (туберкулёз) қарши кенг қўлланиладиган вакцинанинг коронавирусни даволашда самара бериши текшириб кўрилади. Ушбу тадқиқотда Басиллиус Cалметте-Гуерин (БCГ) деб номланган вакцина коронавирусга чалинган беморларга ғамхўрлик қилаётган тиббиёт ходимларида синовдан ўтказилади.
Туберкулёз касаллигининг олдини олиш мақсадида фойдаланиладиган БCГ вакцинаси организмда кучли иммунитет ҳосил қилади. Шунингдек, ушбу вакцина нафас йўлларида учровчи бошқа вируслар туфайли келиб чиқадиган жиддий касалликлардан ҳам ҳимоя қилиши аниқланган.
“БCГ ваксинасининг инсон иммунитетини умумий тарзда ошириши исботланган. Бу эса CОVID-19 қарши ҳам организмда ҳимоя юзага келиши мумкинлигини англатади. Биз ушбу вакцина коронавирусни юқтириб олиш хавфи юқори бўлган одамларни ҳимоя қилишга ёрдам берадими ёки йўқ, деган саволга ойдинлик киритмоқчимиз. Агар бу иш берса, биз мазкур тайёр ва арзон бўлган вакцина орқали одамларнинг ҳаётини сақлаб қолиш имконига эга бўламиз” дейди Эксетер тиббиёт университети профессори Жон Кампбел.
Ушбу тадқиқотларга дунё бўйлаб 10 мингдан ортиқ тиббиёт ҳодимлари жалб қилиниши режалаштирилмоқда.
Uzbek