Александр Лукашенконинг Европа Иттифоқи ҳудудига кириши таъқиқланди

0
1031
манба: Риа.ру

6 ноябрь куни Европа Иттифоқи Александр Лукашенко ва Белоруссиянинг 14 та амалдорига нисбатан санкцияларни жорий қилди. Европа Иттифоқи Белорус ҳукуматини августдаги баҳсли сайловлардан кейин юзага келган демократик ҳаракатларни сиқувга олганликда айбламоқда.

Шу ҳафта бошида Европа Иттифоқи элчилари Белоруссия ҳукуматини «тинч намойишларни бостиргани,  мухолифат аъзолари ва журналистларни қўрқитгани, уларга зўравонлик билан тазйиқ ўтказгани» учун жавобгарликка тортиш борасида келишувга эришишганди. Жума кунги санкцияларга биноан эндиликда қора рўйхатга тушганларнинг Европа Иттифоқига кириши таъқиқланди ва уларнинг бу ердаги мол-мулклари музлатилди.

Санксиялар рўйхатида қайд этилганлар орасида Лукашенконинг ўғли ҳам бор. У президентнинг миллий хавфсизлик бўйича маслаҳатчиси ҳисобланади. Шунингдек,  Лукашенко ҳукуматининг энг асосий фигураларидан бири бўлган КГБ раҳбари ва президентнинг матбуот котиби ҳам ушбу рўйхатга киритилган.

Белоруссияда 9 август куни бўлиб ўтган президентлик сайловларидан кейин оммавий норозилик намойишлари бошланганди. Кўпчилик ушбу сайловлда Лукашенко ғирромлик билан ғалаба қозонганини айтди. Европа Иттифоқи ҳам мазкур сайлов натижасини рад этган ва Лукашенкони Белоруссиянинг қонуний президенти деб тан олмаслигини маълум қилган.

манба

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг