Сешанба куни Россия парламенти ҳукуматни Грузияга қарши қаттиқ иқтисодий санкцияларни ишлаб чиқишга чақиручи қарорини бир овоздан қўллаб-қувватлади, бу эса қўшнилар ўртасидаги сиёсий инқирознинг кескинлашувига олиб келади. Бу хақда Reuters агентлиги хабар бермоқда.
Таклиф этилган санкциялар Грузия шароб ва минерал сув импортини тақиқлайди ва Грузия иқтисодиётига жиддий зарар келтириши мумкин бўлган чора-тадбирлар мажмуаси сифатида Россияда ишлаётган грузинларнинг ватанига пул ўтказмаларини тўхтатади.
Икки ҳафта олдин Тбилисида Россия депутатининг ташрифи муносабати билан норозилик намойишлари бошланган эди. Унда аксарият намойишчилар Грузия ҳудудида рус қўшинларининг доимий мавжудлигида норози эканини билдиришди.
Қўшма Штатларнинг кичик иттифоқдоши 2008 йилда Россияга қарши қисқа уруш олиб, жанг қилган эди.
Ўша пайтдан бери мамлакатлар дипломатик алоқаларга эга эмаслар ва Россия сепаратист икки грузин ҳудудларининг мустақиллигини тан олиб келмоқда. Ҳозирда у ерда, Жанубий Осетия ва Абхазияда, Россия қўшинлари жойлаштирилган.
Uzbek