Британияда коронавирус билан боғлиқ вазият яна авж олди, АҚШ айрим шаҳслар учун мажбурий вакцинацияни қўллайди

0
184
Фото:yandex.ru

Буюк Британияда COVID-19 инфекциясини юқтириш ҳолатлари яна ортиб бормоқда. Январь ва июль ойларида қайд этилган вирус ва беморларни касалхонага ётқизиш билан боғлиқ кўрсаткич сентябрь ойида чўққига чиқаётгани айтилмоқда.

Бу ҳақда COVID-19 тарқалишининг олдини олиш бўйича идоралараро комиссия Telegram- каналида хабар қилинди.

Ҳозирги кунда мамлакатда 8 минг 85 киши ўртача ва оғир аҳволда касалхоналарда даволанмоқда. Вакцинация жараёнлари жадал давом эттирилаётган бўлса-да, вирус тарқалиши ортиб бормоқда.

– Буюк Британия – Европада эмлашни коронавирусдан ҳақиқий ҳимоя деб билгувчи саноқли давлатлардан бири. Ҳозирги вақтда коронавирусга қарши тўлиқ эмланган британияликлар сони 65 фоизга етди, – дейилади хабарда.

АҚШда эса айрим тоифадаги шаҳслар учун мажбурий эмлаш режими жорий қилинмоқда. Мамлакат президенти Жо Байден COVID-19га қарши курашиш мақсадида янги эмлаш режасини тасдиқлади, у вируснинг “дельта” штаммини ўта юқумли ва тарқалиши узоқ давом этиши мумкин бўлган мутация эканини таъкидлаган.

Сўнгги маълумотларга кўра, AҚШ федерал Ҳукуматининг барча ходимлари, шунингдек, унинг пудратчилари COVID-19га қарши вакцинация қилинади.

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг