3200 йиллик пишлоқ таркибида ўлимга олиб келувчи бактериялар топилди

0
1583

Куни-кеча хабар берганимиз, Қоҳирадаги археологик қазилмалар вақтида топилган 3200 йиллик пишлоқ устида олиб борилган тадқиқотлар ўз натижасини берди. 

Маълум бўлишича, мазкур пишлоқ бўлаги Қадимги Мисрдаги раҳбарлардан бири Птахмеснинг қабрига қўшиб кўмилган. Олимлар, ушбу пишлоқ таркибини ўрганиш жараёнида унинг ичида кўплаб ўта хавфли бактерияларни топишди. 

Ушбу қадимий пишлоқ инсонга ҳайвон орқали ўтувчи хавфли бурцелла бактериялари билан зарарланган экан. Таъкидлаш жоизки, ушбу бактерияларнинг кучли таъсири кишини ўлимга олиб келиши мумкин. 

Италиянинг Катания университети олимларининг таъкидлашларича, ушбу пишлоқ таркибини мукаммал таҳлил қилиш натижасида улар нафақат унинг таркибий маҳсулотларини, балки, инсоният қадимда қандай хасталикларга чалинганини ҳамда касалликларга оид тарихий маълумотларни ҳам билиб олишлари мумкин. 
 

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг