Ўтган йили коронавирус сабаб дунёнинг кўплаб қисмларида қанчадир муддат локдаун жорий қилинганд эди. Натижада, юз миллионлаб болалар уйда қолишларига тўғри келди. Уларнинг ота-оналари эса бу даврда болаларининг вақтини яхши ўтказишлари учун рангли ғиштлар тўпламлари, яъни лего ўйинчоқларини сотиб олиб беришди.
Маълумотларга кўра, Данияда жойлашган Lego Group хусусий компаниясининг соф фойдаси ўтган йилда 19 фоизга ўсиб, 9. 9 миллиард кронани (1.6 миллиард АҚШ долларини) ташкил этди. 2020 йилда лего ўйинчоқлари савдоси 21 фоизга ўсган бўлиб, ўзининг 12 та энг йирик бозорларидаги савдо ҳажмини катта миқдорда кўпайтиришга муваффақ бўлди.
Аммо, Lego Groupнинг Бош ижрочи директор Нил Кристианеннинг сўзларига кўра, жуда юқори натижаларга пандемия эмас, балки кўп йиллар давомида кўпроқ савдо-сотиқни ривожлантириш учун қилинган стратегик сармоялар туфайли эришилди.
“Бу CОVID-19 билан боғлиқ эмас. Эришган натижаларимиз бундан аввалроқ қилинган ҳаракатлар самараси эди. 2020 йилда биз, айниқса онлайн савдо ва маҳсулотнинг инновацияланганининг фойдасини кўришни бошладик» дейди Кристианен.
У ўтган 12 ой ичида компания савдосининг айнан қанча миқдори онлайн тарзда амалга оширилганини очиқламган. Лекин, Кристианен 2020 йилда компаниянинг веб-саҳифасига 250 миллион та ташриф бўлганини айтган.
Лего компанияси 1932 йилда даниялик Оле Кирк Кристиансен томонидан ташкил этилган. Лего сўзи данияликлар тилидан келиб чиққан бўлиб, ”ЛЕгГОдт”-“яхши ўйнанг” деган маънони билдиради.
Uzbek