БМТ: ”Сурияда 12.4 миллион киши озиқ-овқат тақчиллигига дуч келмоқда”

0
254
Фото:(AFP)

БМТнинг 13 феврал куни берган маълумотлаирга кўра, анчадан бери урушлар давом этиб келаётган Сурияда айни пайтда 12.4 миллион киши етарлича озиқ-овқат топишда қийинчиликларга дуч келмоқда. БМТ ушбу ҳолатни “ташвишли” деб таърифлаган.

“Бу рақам ҳозирда Сурия аҳолисининг 60 фоизи озиқ-овқат масаласида хавфсиз эмаслигини англатади” дея хабар берди БМТ таркибидаги Жаҳон озиқ-овқат дастури 2020 йил охиридаги натижаларига асосланиб.

Сурияда ўтган йилнинг май ойида 9.3 миллион киши озиқ-овқат етишмаслигидан азият чекарди. Бир йилда бундай одамлар сони 3 миллионтадан кўпроққа ошган.

«Ҳозирда сурияликлар ҳар қачонгидан ҳам кўпроқ очлик, қашшоқлик ва озиқ-овқат хавфсизлиги муаммосига дуч келишмоқда. Кўпчилик оилаларнинг ҳаёт учун зарур бўлган асосий озуқага эга эмаслиги ташвишли ҳолат» дейди, Жаҳон озиқ-овқат дастури вакили Жессика Лоусон.

Ўн йилдан бери давом этаётган уруш Сурия иқтисодини вайрон қилди ва инфлация даражаси кескин ошиб кетди. 2021 йилнинг бошига келиб Сурияда озиқ-овқат нархи уруш бошланишидан олдинги нархдан 33 бараварга ошган.

Сурияда 2011 йилда бошланган уруш ҳозиргача 387 минг кишининг ёстиғини қуритди ва миллионлаб тинч аҳолини ўз уйларини тарк этишларига мажбур қилди.

Манба:

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг