Россия инвестиция жамғармасининг жума куни берган хабарларига кўра, Ҳиндистоннинг дори ишлаб чиқарадиган Hetero компанияси Россиянинг коронавирусга қарши Sputnik V вакцинасини 100 миллион дозадан кўпроқ миқдорда ишлаб чиқаради. Россия инвестиция жамғармаси Sputnik V нинг яратувчиларидан бири ҳисобланади.
«Ҳиндистоннинг етакчи фармацевтика компанияларидан бири бўлган Hetero Ҳиндистонда йилига 100 миллион дозадан кўпроқ миқдорда Sputnik V вакцинасидан ишлаб чиқаришга келишиб олди.
Ушбу вакцина коронавируснинг янги турига қарши қарши рўйхатдан ўтказилган дунёдаги илк вакцина ҳисобланади» дейилади Россия инвестиция жамғармаси берган баёнотда.
Маълум бўлишича, Ҳиндистонда Sputnik V ни ишлаб чиқариш 2021 йил бошида бошлаш режалаштирилмоқда.
Uzbek